Discorso "Cicon" 2011

Home	Archivio fotografico	I miei dvd	Trattori d'epoca	Feste e annunci	Scrivimi
I miei articoli	Profilo personale	Progetti in corso	Dialetto piacentino	Aggiornamenti	Mappa del sito

Dialetto Piacentino

Testo del discorso di "Cicon" anno 2011 (a cura di Pierluigi Barilli)

Clicca qui per la traduzione

CICON 2011

Tame dis tant famus siensià
al mond e al ciel , i siguitan a girà
e intant chi giran , as mastùra la gent 
e cui ad da dlà , i vegnan in cuntinent 
e par custi , ca ades i me visèn
a ien egisian , cines e maruchèn .
	Al fat a lé , ca cu cvegna a stà da non
mia sempar i san dal nosi tradision,
ma tut il san ca brùsum Cicon dopa Carnual 
anca sa un quald' on al ga sta un pò mal 
	e non cal dòni par Cicon ium mai vurì
i stan cun la Ruby , un pò as sum cunvertì ,
	ma cun tut la gent nova ca ghé
par brusà Cicon ian sbaglià dé
e invece d' aspetà ca gnis Carnual 
ian pensà da dag fog , apena dop Nadal.
	I sen sbaglià , ma e sucés dal tùt
tame cui che andà in dal bar , a sarcà di parsùt
e ian tòt sù , invece di salum a dispusision
al machineti cui sod , e un qual geton !
	Ian mandà via al frèr dopa cin quant' an
e sum andà avanti cun tant atar dan ,
parché l' era basta un minim d' atension
par fa mia da zù al ticc dal cantinon !
( al saris ad l' asilu , ma ghe da fa la rima 
e cun cantinon , la vegna sùbit prima ! )
	La vrità a lé , ca a fa mòr Cicon ,
ghe vurì una truada , da veru sburdacion :
i gan dat la culpa , par custi al se ufès 
d' avé invintà al biogas , par ruina al paes
e un cumitat , tu8ta gent par ben 
i l' an denuncià e i volan matal den !
	Al biogas , urmai al sa sà , l' e na roba cèra
le na trufa bela e bona , ad Giuanén ad la Scùdléra 
parche i gas chi brùsan in dal camén 
ien i vapur ca vegna , in dal buti ad ven 
	ma par aumentà da ingurd la produsion,
i sabogian al ven , anca den in di butiglion ,
	il tratan da cativ e insema a l' udur
al ven al perda anca tut al so saur 
e invece da spumà tame fa al pù bon 
al sa ardusa a una lufa da fa nasà ai cuion !
	Cicon , pùtost che fas ancura prucesà 
anca stavota la vurì ves brusà
e al senri , masturà a la calséna
ia druum da sulà , la nosa canténa .
 	Ma intant cas beva par dulur e disperasion
tignum d' occ chi gùm ataca , in sal canton ,
parché ghe chi e ciucc dabon e chi fa fenta 
ma sum Cicùnèr : purté tanta pasiensa
anca sal su ca a un quald' on ag pias mia 
	ma Cicon le fat , par stà in cumpagnia !
	Ma ragas , ricurdumas , c' al vegna na vota l' an
iatar dè , sarcum ... da fa mia trop dan .

Torna alla sezione "Dialetto piacentino"